老字號黃枝記，亦擁有四代同堂的長情食客。黃天說，有一位食客，他的外母、兒子和孫都是黃枝記的捧場客，外母今年已91歲，孫兒亦已20多歲，「相信佢第五代都會嚟幫襯」。
裝修不重視「豪華」
黃枝記打破麪店不重視裝修的格局，採用江南木結構，配上書畫諧聯，餐墊紙上細述麪史，於古雅中突顯中國文化；並因而吸引到一批中上層消費食客。「有位律師姐姐同我講，以前唔敢去麪檔食麪，因為着得斯文會俾人望，家係黃枝記食麪就安心。」
熟客成小姐幫襯黃枝記已5年，她表示每兩周都會到來一次，因為「料靚啲，冇乜鹼水味，又乾淨。」「附近有間茶餐廳15蚊，但唔敢去食；呢度雖然貴啲，但值得。」「服務一流，夠快」她亦明白食材貴，雲吞麪少了粒雲吞，她認為可以接受。