賭王何鴻燊日前再入養和醫院做每月例行檢查，噚日二房嘅超鳳同超蕸兩姊妹去咗醫院探賭王，約下午5點，四房14歲嘅超欣單拖拎住零食探賭王，佢話都擔心賭王，問超欣賭王幾時入院、有冇發燒？佢話唔知。之後就見猷君拎住部MacBookAir離開醫院，問佢有冇陪賭王玩？佢冇答，只係笑笑口走人，而四太都有現身，佢就話賭王情況穩定。