颱風襲港打亂美食博覽展商陣腳，不少都擔心風雨影響人流，恐生意會少兩三成，「若果真係打得成八號，蝕得仲多」。有展商稱若展期內掛八號風球而停館，望主辦的貿發局能延長展覽多一天。
要求展期延長一天
「突然間聽到話打風，真係唔知點算」。聯記號負責人Winnie說，以往參展時曾遇暴雨，生意會驟減兩、三成，相信颱風的影響會更大，「星期五、六人流最多，最關鍵，如果到時先掛八號就最慘」。
「今年第一年搞咁多即食海味，如果因為打風而喺會場賣唔出，損失就會好多」。恒興行負責人廖淑雯說，若只是掛三號風球尚可，反而更多市民「冇街去」而來逛展覽，但若掛起八號風球便損失重大，「如果許可，可以研究吓延長多一日」。安記負責人潘權輝也稱延期多一天有助彌補生意損失。
貿發局稱，若今晨8時半前掛八號風球，展覽會暫停，並在風球除下後兩小時重開，但下午4時半後仍未除下，便會全日暫停。
《蘋果》記者