【本報訊】保釣一直是老鬼運動，但這次卻因為一班年輕人透過網上社交平台實時發佈消息，成功吸引年輕人關注。有份協助發佈消息的羊羊形容是次行動成功，其中船長楊匡透過衞星上網在facebook打卡的方式，更是香港年輕人平日的習慣。
打入年輕人階層
保釣成員大多上了年紀，不會用電腦，但今次有90後社運團體羊家班、民間電台成員Karen及鍵盤戰線成員Cindy等年輕人協助，實時在facebook、微博及Twitter上更新消息。其中一名有份發放消息的成員羊羊形容，是次透過社交平台令地面與船長楊匡裏應外合，將沉寂了一段時間的保釣運動升級成2.0，打入了年輕人層面。
過去幾天，楊匡主要利用長途或衞星電話跟香港通話，有時亦會WhatsApp報告，令他們可不斷更新消息。楊匡抵釣魚台後，親手上facebook「打卡」，「佢哋係用衞星轉wifi分畀船上嘅手機用，不過好貴，所以佢只係發咗兩、三張相返嚟。」他估計，前日用衞星上網已逾千元。不過短短幾天，幾個保釣的社交平台關注人數卻極速增長，「啲戶口係舊年出海俾水警攔時開，當時facebook得400人，家變咗1,800幾，Twitter就由200個follow增加至1,677，微博亦由20幾變成200幾個關注。」
他說，老鬼最初不認同這種方法，但這次卻明顯吸引到媒體及年輕人的注意。羊羊直言幾位負責在網上發放保釣消息的年輕人都不是保釣成員，但楊匡跟一眾90後社運人士友好，故大家願意幫手，兼體驗國民教育。他又說自己反對中國政府，但支持維護領土完整，「愛同胞愛國土，同愛政體係兩回事！」