沈卓盈噚日佩戴價值一千萬元翡翠配以火紅色旗袍，着到鬼火咁靚，原來幫中環中藝分店開幕做司儀，真係不容有失，唔見一件都好大件事，沈卓盈話：「第一次戴咁貴重首飾，步步驚心。」講到自己有份拍無綫新劇《衝上雲霄II》，仲會同有躁狂之稱嘅前輩吳鎮宇有唔少對手戲，沈卓盈話未驚過，仲讚對方好nice，最緊要事前做足功課，就唔怕出事。