一眾新戲《喜愛夜蒲2》男女主角前晚到夜店出席活動，女主角媽模Mia以谷胸裝出現，雙峰突出相當搏命。僅屬客串的鍾蕙芝（Lavina）則穿上SM裝拋胸踩場。
何佩瑜（Jeana）、媽模陳靜儀（Mia）、連詩雅、陳偉成（Avis）、沈震軒、及陳柏宇（Jason）等，前晚連同導演錢國偉到中環出席新戲《喜愛夜蒲2》的宣傳派對，身為女主角的Mia搏命以白色谷胸短裙現身，Jeana則封胸露膊，連詩雅亦只是露背。反而在戲中僅客串幾個鏡頭的鍾蕙芝（Lavina）以低胸SM裝示人，擺明踩場搶Mia鏡。
沈震軒被寸濫交
Mia和Avis戲中有火辣肉搏戲而傳緋聞，主持Bob問Avis會否請正印女友周秀娜睇戲時，他說：「佢好忙，係都我包場請佢睇。」Bob又露骨形容沈震軒是夜場USB，更出言問他：「每晚插幾多個？」沈震軒大膽回答：「好似5、6個。」Bob即形容他核突恐怖。另外Avis含着有酒的試管餵Jeana飲，但酒流到她的心口，陳柏宇擺明怕尷尬，只用手拿起餵Mia。
嘲Lavina戲份少
提到性感搶鏡，Mia無厘頭說：「Jeana太高，唔敢企埋佢度。」有人笑指她的雙峰最高，Mia謂：「好事，因為我需要事業。」她預告首映打扮會更為性感，因為是處女擔正電影，必定「唔輸得」，不過Lavina擺明搶Mia鏡，Mia不屑說：「我冇留意喎，佢有份做咩？我冇見過。搶鏡？唔緊要，多啲女熱鬧啲。」Jeana封胸，她說：「有自己嘅電影先性感。」Jeana和張柏文拍拖感情穩定，但未有結婚打算，會否叫栢文睇戲？她笑言：「呢啲戲留番喺屋企先睇。」
採訪：魯萍 攝影：陳慧安