中國奧運體操選手劉璇，退役之後去讀書同入咗娛樂圈，早前劉璇秘密結婚，佢嘅老公就係拍拖多年嘅單簧管演奏家王弢，有消息話劉璇係奉子成婚。日前劉璇同老公喺內地某機場出現，見佢着住平底鞋同鬆身衫，企得耐就要叉住條腰，舉止似足大肚婆，難怪空穴來風。雖然劉璇已戴帽同黑超，不過依然被途人認出。