蘋果已故教主喬布斯喺加州間屋俾笨賊爆格，只係偷到總值6萬美金(47萬港銀)嘅嘢!
35歲笨賊麥卡法林，上個月無端端揀中喬布斯間屋偷嘢，咁啱間屋裝修緊，無乜嘢好偷，笨賊快快手將教主嘅銀包（裡面只有一蚊美金）、駕駛執照、私人蘋果電腦、多部iPad、iPhone等，掃入一個行李喼就閃咗。
警方憑IP地址拉人
返屋企睇清楚，佢先知摸咗去喬布斯間屋，佢將兩部偷番嚟嘅iPad送畀囡囡同朋友，自己拎咗喬布斯部私伙iPad同電腦上網，仲登入自己嘅iTunes賬戶，警方追蹤到佢嘅IP地址，話咁易就拉咗佢。
警方話，好彩當時喬布斯嘅遺孀Lisa同埋三名子女唔喺屋內，否則有機會人財兩失。麥卡法林下星期一提堂，寫咗封悔過書畀Lisa認錯。呢位賊阿哥咁笨，爆格前都唔做功課，罰吓都抵啦。