大美人李嘉欣昨日出席護膚品活動，透露早前為拍廣告及宣傳要周圍飛，要離開寶貝仔小JM令她很抑鬱，反而小JM個性獨立，乖乖放媽媽外出工作。另外，嘉欣也承認封肚，不希望女兒甫出世即被人評頭品足。
李嘉欣昨日與汪圓圓及其母徐麗君到尖沙嘴出席護膚品Shiseido活動，會上播出嘉欣少女時代的靚相，凸顯她多年來都保持青春美貌。早前嘉欣到日本為品牌拍攝廣告，她透露已巡迴台灣、上海及馬來西亞等地宣傳，即將又要拍攝新廣告，嘉欣直言不想離開心肝寶貝JaydenMax，她說：「我會好掛住，一離開就失落，上機就會喊，喺屋企執行李嗰陣已經抑鬱，所以最多只可以離開四日。」雖然嘉欣很不捨得寶貝仔，幸好小JM性格獨立，很乖不會強行要與嘉欣外出。
囝囝愛出街
歲半的小JM正在牙牙學語，嘉欣擔心會錯過其成長：「好似好多嘢都係我離開咗先學識咁，佢家識講『go九樓』，因為我哋屋企個lobby喺九樓，即係要出街。」平日她會帶小JM搭電車、坐地鐵，讓他體驗生活，又踢爆囝囝好喜歡去街玩，她說：「啱啱打返去，佢又換晒衫話要goout啦。」
早前嘉欣在台灣宣佈封肚，嘉欣直言希望不會有BB：「生女？我一世俾人評頭品足都夠啦，唔想佢一出世就背負壓力。」未能遺傳漂亮基因感可惜？她說：「唔一定靚㗎，係緣份，係我選擇唔要，冇出現嘅人冇乜可惜。」
圓圓未結婚
此外，汪圓圓早前被拍得試婚紗，她表示只是工作需要並非好事近，身旁的媽媽徐麗君大讚圓圓男友蔡家讚好好，但不會心急要兩人結婚。
採訪：林嘉慈攝影：仇志德
