杜如風瘋行世界密密買，必去作為secondhome的潮流聖地東京。杜如風踏遍盛產名牌古着的倫敦、藝術色彩氾濫的北京，以及潮界新興地杭州，在港則捐窿捐罅到旺角女人街和平民古着店，單憑直覺多買多襯，日前她接受訪問，就推介以「重口味」添潮味，由浮誇飾物入手，逐步挑戰重型珠片衫。
女人天生購物狂，杜如風絕對是表表者，捨得一擲逾三萬元買Céline橙色限量皮裙來珍藏，向高空發展的衣帽間落得爆滿收場，未開封的戰利品放滿地上，近年至愛Céline、AlexanderWang、3.1PhillipLim及Chloé等名牌，偏好品牌主打的簡約主義，但她覺得型不是用錢堆砌。 撰文：林嘉慈
我不專業
「型唔係跟某個潮流、跟2012年秋冬騷，fashionicon係KateMoss（姬蒂摩絲），但冇特別跟。型係行出嚟有人讚、有人望、有人跟，我係創潮流嗰個咪型囉，我冇Wyman（黃偉文）咁專業，只係旅遊多啲，所以唔太熟時裝雜誌。行街覺得靚同啱身，價錢afford得起就買，如果今年興，但着得唔好睇都冇法，英雄無用武之地。」
平貴都得
杜如風認為將平貴服裝mix&match比較好玩，全身名牌或平價衫視乎心情，間中會穿tee及短褲，踢拖兼hea拎銀包、電話，以自封「死ken」造型踩落尖沙嘴，其實平價衫她都買得開懷。
「我係鍾意成日行街，去女人街、美芝二手舖買好散嘅vintage嘢，呢條花裙唔覺係70年代，襯番Célineclog同clutch，講係Chloé都有人信。」本地品牌izzue是她的平價之選，認為遠勝其他平民品牌。
最愛款式
「Overall（工人褲）好型，阿徐（徐濠縈）都有呢個癖好，其實着出街好麻煩，去廁所要成件衫除晒。」
夏天必買？
「螢光色。」
喜愛minimalism的她，也有愛好分裂時，自認浮誇人，偏愛重口味。
「細個鍾意扮大人，戴Chanel大耳環，搽深紅唇膏，家老咗就扮細路，買咗好多螢光黃色衫。配飾可以畫龍點睛，唔理有冇呢樣嘢，買咗返嚟先，總會用到。近年儲齊晒Céline啲bangle，太誇張會用唔着，但有時又需要到，我鍾意重口味，重型啲啱我。」
「重口味」加身，英國「閃片王」Ashish是今年心水，秋冬系列的哈哈笑珠片croppedtee、衞衣、連身裙裝已進佔衣櫃，珠片品牌新歡則是來自英國的lin。
想着珠片，又怕娘？
「唔買淨色珠片衫，要畀心機襯，上身一件珠片衫，下身可能着PhillipLim西褲平衡番，人哋見係着西褲都唔覺係廟街feel啦！」
Shopping精初戀留痕
杜如風愛買、愛旅遊，出旅遊購物書《風行風語》已有三本，新近挑戰長篇愛情小說，並隨書附送《狗咬狗骨》的第一章來測試市場反應。
杜如風說：「係講我初戀，四年好多姿多采，嗰時17歲，喺加拿大讀highschool，前男友都知我寫，畀電腦稿佢睇，佢話我仲記得好嘢喎。未開始寫第二節，一來冇時間寫咁多，二來成本問題，冇理由一次出兩本書，三來怕人話我寫開旅遊唔識寫愛情。」
攝影：陳志嵐
化妝：KathyChow
髮型：KenHoiofiihair&nail
場地提供：iihair&nail
靚唔靚
着得好，《蘋果》絕對睇到；着得曳，《蘋果》更加睇到！一周精選最正靚人、最嘔打扮，鞭策大家齊齊進步！
撰文：阿潮
Best．黎姿
大肚婆也可以又靚又時髦。黎姿早前shopping的大肚look，主打近季大流行的優雅風，看似簡單但覆蓋了幾個潮流元素，如蓋住頸位翻起三份一小高領是來季秋冬大熱款式，加上歷久不衰的trench，百分百切合她的身份及身形。
Worst．薛凱琪
簡約易好，carrymore則從來考功夫。薛凱琪這日就挑戰失敗，花碌碌褲、雙拼上衣，她高瘦身形也被斬成幾截，眼花繚亂。