譚詠麟和李克勤昨日到黃埔，為合資的「左麟右李粥麪小炒專門店」擔任開幕剪綵，阿倫謂沒計過投資了多少，今次是將多年來食勻香港雲吞麪的心得總結出來。問阿倫是否想做飲食界巨子，他說：「一步步嚟。」克勤則謂自己初起步，不過記得03年合作《左麟右李》時，張國忠說他倆抵食夾大件，阿倫覺得兩人是雲吞麪，極富有本土文化。
之前試業時，阿倫媽咪去到試食，克勤說：「近排奶粉有嘢，我就帶啲仔嚟食粥同雲吞麪，家細仔戒咗奶好少飲。」阿倫鬼馬插嘴話：「仲飲人奶，留番畀老竇飲。」克勤無奈說：「連杜麗莎都怕咗你。」追問阿倫囝囝有否讚好吃？他扯開話題：「佢仲飲奶粉？」克勤表示張國忠有意於內地開分店。
採訪：馬健華
攝影：仇志德