謝婷婷昨日在金鐘香格里拉酒店，為婚紗騷擔任模特兒，示範價值888萬的珍珠露背婚紗，雍容華貴。婷婷與男友安志杰（Andy）恩愛甜蜜，兩人多次在公開場合表示非君不嫁，非卿莫娶，對於何時正式落實婚期，她說：「每日返去都會講吓大家做過乜，都會話佢知記者問過，所以傾過好多次，不過最後結論都係嗰晚食乜。」
未有確實好日子，但婷婷大膽表示要嫁多幾次：「點解女仔只可以着一次婚紗？着多幾次都冇壞啫，最好每年或者隔年都結，我想去希臘、意大利、夏威夷、太空同埋水底舉行婚禮。」又謂不會效發哥哥謝霆鋒在小島秘密結婚，自言是鬼妹仔喜歡與人分享。
採訪：梁錦雯 攝影：林德雄