昆士柏流浪前鋒施斯（圖），星期日31歲生日落club慶祝，就俾記者影到飲到貓貓哋。生日流流一身黑衣人打扮，唔多吉利都算，我求大俠覺得最大鑊就係個條紅星黑布裙！佢一身Givenchy服飾，夾埋要過1,000鎊（約12,000港元），諗吓啲球迷想學你一樣咁潮，但又冇咁多錢，心情會點？而且你又唔係蘇格蘭佬，學咩人着裙？加埋對「DocMa」（小圖），成個rock女咁，我求大俠見到都眼怨呀！