鄭希怡（Yumiko）早排去泰國為好友應采兒慶祝生日，點知跣腳由高處墮地搞到頸部受傷。休息咗一排嘅Yumiko，前日孖住應采兒出席海洋公園活動，雖然佢條頸未好番，但Yuimko仍然唔放過任何行街shopping機會，喺活動之後即刻同應采兒去中環ifc行街。
不過，前日活動上冇戴頸箍嘅Yumiko，為免人多碰親，行街時即刻戴番個頸箍，佢同應采兒先去Zara睇衫，但兜咗幾個圈都係冇收穫。睇完衫後，Yumiko再同應采兒去city'super買食物同飲品。現場有幾十個遊客見到記者係咁影住Yumiko同應采兒，即刻唔蝕底影埋一份，搞到佢哋離開超市時好墟冚，連應采兒都忍唔住講笑話：「嘩！劉德華嚟咗呀！」
採訪、攝影：李志明
