商台DJ朱薰有份演嘅舞台劇《愛可以多狗》，前晚喺理工大學賽馬會綜合館演出尾場。有咗四個月身孕嘅朱薰話，佢自己原先有場戲係要激動狂喊，但導演火火為咗遷就佢，就畀佢順其自然演出就收貨，果然夠晒體貼。朱薰又話，綵排時曾經被人撞跌，佢老公、即係樂隊Mr.成員Dash嘅孖生兄弟譚健榮，一度唔畀佢演出，好彩最後改變主意。