謝婆婆一生坎坷，5歲出疹發燒，結果瞎了雙眼。年輕時結識跛腳的陳姓丈夫，對方卻原來早在內地結婚生仔。「算啦，我又生唔到仔，嗰次宮外孕差啲冇命」她對記者說。
「對老人家係一種欺凌」
謝婆婆跟丈夫於30年前才儲夠錢，買下上村一塊土地建屋，之後丈夫申請內地的孫兒來港定居，並在農地另起屋讓他們一家居住。「佢個孫帶埋老婆嚟，後嚟生咗三個女，嗰時好熱鬧，家死嘅死，搬走嘅搬走」。謝婆婆的丈夫10年前因病過世，其「孫」一家所住的屋被政府收了，獲分配上樓，現只剩下她一人「最掛住嗰三個曾孫，家搬到天水圍咁遠，好耐都唔探我一次」。
謝婆婆的胞兄和胞弟已相繼去世，大嫂住在上村附近，她亦慨嘆婆婆「好慘」，有時會去探望，但礙於地盤工程，電話經常打不通，希望政府能盡快安排她上樓。
附近村民大部份都認識謝婆婆，竹姐說：「收剩佢，政府都唔知咩意思，係咪見佢傷殘恰佢。」她指地盤將路改掉，婆婆已經整年沒有出來走過：「感覺好似住喺孤島，對老人家嚟講，係一種欺凌！」《蘋果》記者