李嘉欣昨日趁兒時偶像多啦A夢展覽開幕，在微博大晒囝囝JaydenMax參觀百隻卡通人物模型陣的相片，擁有各式公仔的JM，遇上巨型多啦A夢時不禁O嘴，搞笑可愛。化妝師RickChin昨日現身尖沙嘴展覽的開幕禮，Rick透露與栢芝合作搞護膚品生意，相信是被封票房毒藥的栢芝的新出路。
李嘉欣連日在微博支持多啦A夢誕生前100年祭展覽，趁開幕禮前夕帶兒子JaydenMax參觀百隻多啦A夢模型陣，昨日在微博分享相片並寫道：「當一歲半的小JM遇上我的兒時偶像。」小JM梳湯碗頭，一身醒目短褲裝，人仔細細碰上罕見的巨型玩具，難掩驚訝，單手扶着模型的雨傘柄時興奮得O嘴，趣致可愛。
栢芝兩子試用
化妝師RickChin、何超雲前男友王大業及楊崢等，昨日在海港城出席展覽開幕活動，Rick謂自小喜愛多啦A夢，有否介紹給好友張栢芝兒子Lucas及Quintus認識？他說有，但栢芝不准他帶兩人同行，又自爆沒買生日禮物給Lucas激嬲了他：「佢上星期生日，一個禮拜唔睬我，今晚會買禮物補番，約咗去佢屋企食飯。」傳栢芝與謝霆鋒復合，Rick表示栢芝心情幾好，卻未有過問她的意向。
栢芝新戲票房連番仆直，Rick表示與栢芝齊與外國品牌合作，推出子母護膚品：「兩年前籌備，搜羅世界各地小朋友同媽媽嘅護膚品，兩個月後應該面世，栢芝做代言人，Lucas同Quintus係白老鼠。」他謂等待國際檢定，新店位置未定，投資金額？他說：「每樣要檢查成份，每次幾十萬，最少七位數，我冇錢，幕後老闆係栢芝。」
唔信超雲結婚
同場王大業被問舊愛超雲傳年底結婚，王大業說：「好似假假哋喎，冇問過，唔知佢請唔請我。如果係真，23歲係年輕啲，每個人應該吸收多啲讀書、工作經驗。」
採訪：盧妹
攝影：黃偉雄