《中環ifc》鄭中基同杜汶澤主演嘅《低俗喜劇》近日大收旺場，上映3日票房高達500萬，導演彭浩翔自然飲得杯落。前日下午，彭浩翔同朋友現身中環ifc，原來佢去書店買書，之後同朋友想去戲院買飛睇戲，但揀咗一陣都係冇乜心水，於是同朋友拉隊離開。遲啲彭浩翔會開部新戲叫《撒嬌的女人》，由周迅、陳坤同范冰冰主演。