陳奕迅（Eason）昨日在沙田為新碟《...3mm》舉行簽名會，對於新歌《非禮》被指暗嘲內地人無禮，因此傳遭內地禁播，Eason強調沒有攻擊內地人之意，更自嘲是政治白癡。
陳奕迅昨日在沙田新城市廣場舉行簽名會，吸引近千歌迷到場。對於新歌《非禮》的歌詞「蝗蟲螻蟻」是暗嘲強國人指他們無禮，Eason解釋填詞人小克只想帶出大家應以禮相待的意思，他說：「孔子話無禮嘅事唔好睇唔好聽唔好做唔好講，首歌就係咁簡單。」
Eason再解釋「蝗蟲螻蟻」中的蝗蟲，是昆蟲世界最有霸氣的，螻蟻是指蟻民，他說：「呢句想講唔同階級嘅人，都要尋找默契，同埋我係政治白癡，冇諗到大家原來咁敏感。」
「大家偏激咗」
問會否擔心日後到內地登台宣傳時被秋後算賬？Eason說：「社會太多怨氣啦，我冇攻擊任何人，我都係中國人，中國人不打中國人。」
提到老婆徐濠縈之前因在加國一家三口度假被偷拍，即時在微博留言狂鬧內地人無禮，結果惹來內地網民狂轟，Eason坦言只有他才有資格批評，他解釋：「件事只有我在場，最近阿Sa（蔡卓妍）同老孫（孫耀威）寫微博都畀人話，大家係咪偏激咗少少，應該善良少少呢。」最後Eason強調《非禮》遭禁播只是傳聞。
採訪：李珮洳
攝影：葉君海