倫奧雖然嚟到尾聲，不過美國泳隊嘅「蒲精」洛捷迪仍然超落力咁四出認識「新朋友」。有幾落力？淨係睇佢飲到貓晒，但上咗的士都仲要撩隔籬嗰位金髮美女（圖），就知道佢真係好鬼死「重視」朋友；不過只限異性，因為喺的士入面，坐喺位美女旁邊嘅，其實仲有另一位美國靚仔泳手戴亞（ConorDwyer），只不過洛捷迪太過重色輕友，完全冇理過佢，搞到戴亞要玩手機解悶！