中聯辦干預港交所！本報記者就中國高精密此事，向一位參與國企與民企上市有近20年經驗的外資投行人士意見，得到反應是「不要上市啦！」不過，此事在中資投行中，反應不一。
插手上市事務很普遍
一名資深的中資行高層透露，其實中聯辦參與香港的上市公司事務已不是新鮮事，「最普遍嘅情況係，內地嘅富商來港買殼，之前都會向中聯辦打個招呼，又或者了解吓賣家靠唔靠得住，做吓協調工作。有時又會幫內地買家搵幾位信得過嘅人做獨董。」
另一熟識中聯辦的知情人士亦指，中聯辦做些中港溝通工作，外界人士以為他們多集中政界圈子，但其實於工商界亦非常活躍，「佢哋最鍾意約人食飯，然後曲線畀意見，聰明人就會知道佢哋想講乜。」知情人士又指，中聯辦人士即使提供意見，對方絕對可以唔跟，「佢哋唔會逼人，多數都係循循善誘。」