A股鑽石底早前慘變豆腐底，散戶心死，但國家主席胡錦濤一開金口穩經擠，A股見底之說不脛而走，多間大行近期更紛紛使出轉軚絕技，更有估計反彈空間高逾三成。不過，有基金經理表明，即使A股已見底，也「無乜興趣去買」，更憂慮港股會步其後塵。
憂港股步後塵
豐盛金融資產管理董事黃國英坦言，已放棄A股市場，表示近期的反彈與內地減息憧憬有關，但內地股市已令市場「失望咗十年」，故近數月已沒有沾手，「長期唔買係無蝕底，係啲人貪佢平」。
他認為，內地經濟存在重複建設、增長質素差及政策主導等問題，而港股「永遠唔係好識升，得個平字，政策主導得好交關」等因素，與A股漸見相似，有重蹈其覆轍的危機。
花旗睇升34%
不過，大行卻繼續高唱好景。高盛表示，受惠內地放水及投資增長，A股或在夏秋間復蘇，由於要先催谷實體經濟，故需要一段時間才能轉化成企業盈利，明年H指目標12600點。
花旗則指，A股估值及情緒貼近08年金融海嘯水平，只要消除不明朗因素，料下半年可反彈，滬指目標介乎2450至2900點，潛在升幅高達34%。滙證亦指，市場過度悲觀，預期A股下半年出現周期性反彈。