《反洗腦》
【本報訊】一直對國民教育問題採取迴避表態的民建聯終於露出尾巴。民建聯副主席蔣麗芸昨在選舉論壇上大發議論，批評學民思潮發起遊行及計劃罷課，令「新一代郁啲就話罷課，郁啲就話唔返學」，更聲稱有學生為打機而向母親威脅要「罷課」。她的言論立即引起其他候選人圍攻，炮轟她借題發揮「鬧細路仔」。記者：麥志榮
商業電台節目《政經星期六》昨舉辦的九龍西直選論壇，共九名候選人參與。其中蔣麗芸抽中回答街坊提問有關國民教育及六四問題；她對六四避而不答，又指家長不反對國民教育，只是擔心內容太偏頗。其後她又借質問另一候選人黃以謙而大發議論：「好多學生出嚟遊行，甚至14歲成為發起人，長此下去對新一代成長健康好唔好呢？」
指影響新一代服從性
黃以謙想表示異議，她卻打斷對方，稱現時情況嚴重：「有媽咪叫個仔唔好打機做功課，個仔會話點解呀，我鍾意打機，個媽話唔畀打，咁佢就話我家罷課，罷做功課。罷課呢個聲音已深入每個家庭，令我哋新一代郁啲就話罷課，郁啲就話唔返學，呢樣嘢我覺得非常危險，因為會影響新一代對父母嘅服從性。」
黃之鋒反駁抹黑言論
另一候選人人民力量黃毓民即時與她展開罵戰：「你呢啲講法非常之無知，強烈啲講係無恥……點解怪啲細路仔話罷課，無端端作啲理由出嚟講。」他又直接質問蔣是否贊成撤銷國民教育課程。她卻只表示：「我只係反映家長嘅關心。」
其他候選人都加入戰圈，候選人林依麗質疑：「小朋友就無遊行自由？」另一候選人黃逸旭表示反對推行只唱好共產黨，以及不提及六四的洗腦教育。
民主黨黃碧雲指民建聯是轉移視線，抹黑年輕學生。
民協譚國僑指政府強推洗腦教育是損害香港核心價值。公民黨毛孟靜說：「蔣麗芸講到呢班中學生好似年紀未夠，都未夠班，就學人搞嘢，佢先至係有害下一代。」同屬建制派的梁美芬也不敢聲援蔣麗芸，只表示，「國民教育唔係做唔做嘅問題，係點樣做嘅問題」。
學民思潮召集人黃之鋒接受查詢時指出：「要求罷課唔係想留喺屋企打機」；他們利用暑假的時間在全港設街站，是希望市民關注國民教育問題，並非荒廢學業，認為蔣麗芸的言論是抹黑。
《紅出沒注意》
如發現有學校、組織推行紅色洗腦教育，可向《蘋果》報料：mailto:[email protected]