武器是否絕色還是次要，重點是可以置人於死地，如兩者兼得對受害者來說算是抵死。同一道理，婚書不代表永恆，安志杰自言與謝婷婷目前的生活跟夫妻沒有兩樣，不用婚書去證明；眼見他們將甜蜜生活搬到現實訪問中，全程不停耍花槍，加上男方望着女方的眼神，儼如一件殺人武器，身為旁觀者只希望訪問可以快點完結。撰文：文國駿
安志杰（Andy）與謝婷婷早前為王晶導演的新作《絕色武器》接受訪問，訪問一開始就覺得他們不應該拍這類動作片，反而一套純愛的故事更適合兩位當事人，投入度必定更強。訪問中，男的不只一次幫女的把秀髮弄得妥貼，婷婷又不只一次為男友遞紙巾抹汗，懶理旁人有點坐立不安。
拍動作片上癮
不過亦因為拍這套動作片，令一向聽話的Andy與婷婷吵起來，他表示最初反對沒有武術根底的婷婷接這部戲，怕她受傷，婷婷說：「佢嬲咗我好耐，佢話唔鍾意見到我拍動作戲喎。」在旁的Andy立即接住說：「不過，見佢拍完之後我對佢好有信心，佢學嘢好快，同拍之前係兩回事！」婷婷又表示首次拍動作戲後，立即上癮：「因為好好玩，睇番自己拍出嚟嘅片，會嘩一聲，原來我咁好打，好有滿足感，所以今次之後會去學功夫，第時再拍會仲好睇。」
任女友拍床戲
談到入行多年終以情侶檔合作拍攝首部電影，Andy卻抱怨：「好多時婷婷埋位時太專心，我同佢講嘢都唔多理我，我成日以為激嬲咗佢，所以就算喺隔籬都會send訊息問佢乜事，係咪嬲咗我！我都用咗好耐時間先習慣，開頭就會成日諗係咪我做錯咗乜嘢，真係好慘同唔慣。」
雖然電影名稱有絕色二字，但婷婷在戲內一點也不性感，fans可能會失望，Andy強調不反對女友拍床戲，他表示：「拍打戲同床戲都冇所謂，睇佢鍾意啦，我冇所謂亦唔會呷醋，拍戲嘛。」對於在戲中飾演婷婷爸爸的洪金寶，婷婷覺得他很有氣勢，卻沒有架子：「喺片場個個都叫佢大哥，好有氣勢，不過其實佢好講得笑，仲成日玩人，所以冇畀佢嚇親，而且佢拍動作戲時真係好勁，好有力！」
婷婷又謂父親謝賢及哥哥霆鋒在演戲上沒有給自己太多意見，她笑言：「成日同佢哋講都冇乜反應，希望佢哋係唔想畀太多壓力我啦，如果唔係我會好hurt！不過我知哥哥都有將我啲片畀佢啲朋友睇，仲讚我，但其實我自己覺得麻麻哋。」
暫時唔諗結婚
自09年開始，兩人已拍拖3年，談婚論嫁是必然的結局，不過女的沒有逼婚，男的亦接受這種關係，Andy表示大家既然已有共識，一紙婚書似乎並不重要，他說：「基本上我同婷婷家都好好，同兩夫妻差唔多，所以暫時冇諗結婚呢件事，嚟緊呢幾年都唔會諗。」
場地提供：ZummerofTheEast
化妝：LingChanof
ZINGTheMakeUpSchool
髮型：AnsonTseofiiHair
故事大綱：洪金寶慘遭陷害
國際刑警龍志強（洪金寶飾）被販毒集團僱用的殺手玫瑰夫人（陳雅倫飾）報復，全家被殺害，8歲女兒Phoenix被擄走訓練成超級殺手。Phoenix在執行任務時不慎留下血漬，經DNA分析後發現身份；同時國際刑警Sam（安志杰飾）機緣巧合下認識Phoenix。玫瑰夫人想出毒計，要Phoenix暗殺父親龍志強，一段15年前的錄影片段刺激Phoenix，令她恢復部份記憶，父女重逢之際其他殺手追至，展開一場困獸鬥。
