【本報訊】曾應亞視交友節目《撻著》邀任嘉賓的催眠師鍾詠淵，聲稱能用催眠為人處理任何疑難。不過有市民踢爆他以性治療作招徠，實則「大講鹹濕嘢」。女記者放蛇調查，亦被要求自摸和捉手指，以達致性高潮。港大心理學家兼資深催眠師直斥鍾等同叫人自慰，平機會指此舉可構成性騷擾。記者：李凱琳、韓耀庭
本港沒有法例規管催眠師。28歲鍾詠淵開辦的香港催眠學院列出的治療範疇，由醫感冒、減肥，到選擇性失憶、忘記戀人、治療性問題，以至前世記憶追溯都有。收費方面以個案計算，價錢由1,800至2,200元不等。
示範催眠全場無反應
他又常以美國國家催眠師身份，接受傳媒訪問，更在亞視交友節目《撻著》中示範集體催眠，不過全場觀眾不為所動。曾修讀催眠課程的黃先生說，他認識鍾，當時也在錄影現場，他指鍾舉食指然後由十倒數至一的催眠技術十分初階，更踢爆他以醫治性問題招徠，但實情是「大講鹹濕嘢」，涉及性騷擾。
「幻想最鍾意性愛體位」
本報女記者在另一位女同事陪同下，到香港催眠學院尋求治療性冷感。鍾先查問記者性伴侶數目、性行為次數等，傾談半小時後，鍾自信地表示已掌握問題所在，示意可開始催眠。
鍾詠淵指示女記者凝視書櫃上的粉紅色水晶球，直至他下令閉上眼為止。當他用手捉起記者的手腕，證實記者已全身放鬆時，就指記者已進入淺度催眠。
接下來鍾一時要記者在忘記人類語言和數字的情況下，回答他的「人話」及數學題，一時又要記者站起來做不倒翁搖來搖去。記者曾表示仍識講人話，他即按住記者額頭說「催眠深度唔夠深，再試過！」直至記者「受到催眠」配合為止。
他又叫記者坐到離陪同到來的同事較遠椅子。此時，鍾把嘴巴貼到記者耳邊，細聲說，「幻想你最鍾意嘅性愛體位，將佢變成一種顏色……係咪好high？旁邊嘅人死晒㗎啦，你可以摸自己！想唔想再high啲？想就捉住我隻手指！」
當記者順應指示捉住其手指時，鍾說「其實你朋友都睇到晒你做嘅嘢。下次你要做更尷尬嘅事，但會high多幾十倍，咁仲叫唔叫佢嚟？」
其後記者致電要求採訪，鍾態度反覆，最後要有他的朋友和其他傳媒在場才肯受訪。他辯稱性冷感與感官刺激有關，故叫記者自摸是最有效辦法。
「同叫人自慰冇分別」
鍾詠淵又指催眠需要身體接觸，「我喺治療完結時按佢額頭，係一種記認，以後一按額頭，就會令佢記得治療時產生嘅快感，呢樣叫『心錨』。」
不過，港大行為健康教研中心教學顧問（催眠治療）梁錦堂指出，「心錨」背後的理論與潛意識息息相關，「概念類似人聽到警鐘聲，就會聯想到火警，呢點亦證明『心錨』唔一定要身體接觸。」他強調，催眠治療講究由心而發的改變，「用外來刺激追求性快感，咁同叫人自慰冇分別！而且性冷感唔一定係同生理因素有關。」
平機會表示，在接受催眠治療期間，受性有關的侮辱或不當行為，即可能構成性騷擾。