《立會選戰》
【本報訊】民主黨創黨主席李柱銘昨日無懼風雨，全力為參選港島的黨友單仲偕和參選超級區議會的涂謹申拉票。李柱銘指，早已預料中共會透過各種抹黑手段打擊民主派選情，呼籲市民要堅定立場，支持民主派參選人，「如果唔係，共產黨統治香港，立法會又係全部佢啲人，香港就會淪陷」。
李柱銘昨日在滂沱大雨下，堅持隨民主黨車隊巡遊港島，為黨友單仲偕和涂謹申拉票。李柱銘形容，香港民主運動已到達最緊張時刻，呼籲港島區選民投票支持民主黨，捍衞香港核心價值，「如果我哋嘅小朋友被人洗腦，大個咗佢哋都唔會再爭取民主，所以我哋為自己、為我哋下一代，9月9日一定要出嚟投票，你哋嗰兩票係非常重要，一票投畀涂謹申，一票投畀單仲偕」。
何秀蘭憂有棄保效應
對於民主黨近日接連被抹黑攻擊，李柱銘指，早已預料中共會透過抹黑手法打擊民主派選情，「但我哋唔使驚，我哋對民主嘅信念，唔好因為人哋抹黑而動搖，應該搵埋親戚朋友出嚟支持民主派議員。如果唔係，共產黨統治香港，立法會又係全部佢啲人，香港就會淪陷」。
民主黨超級區議會候選人涂謹申帶同妻子及兒子到場打氣，涂指今次立法會選舉是一場捍衞香港核心價值之戰，「如果我哋唔爭取民主，我都唔知我個仔係咪會見到普選個日，係咪會受到洗腦教育影響」。
另外，工黨何秀蘭昨日亦在港島進行巡遊拉票，對於有民調顯示其支持度瀕危，何秀蘭希望選民不要盡信民調，以免造成棄保效應。何秀蘭又批評特首梁振英至今仍包庇劏房局長陳茂波，呼籲選民集中票源支持有監察政府往績的民主派候選人。