祥嫂洪金梅近日為亡夫新馬師曾（鄧永祥）推出一系列紀念唱片，噚日祥嫂孖子女兆尊同小艾喺會展嘅音響展宣傳唱片，祥哥嘅徒弟伍艷紅同一班好友黃夏蕙都有嚟支持。祥嫂噚日全程搭實仔女嘅大髀做訪問，關係密切，兆尊話一家人成日會一齊食飯，祥嫂即刻話：「今日嘅祥嫂改進咗，唔係以前嘅祥嫂喇，經過考驗，個人開始明事理。」