前日同一日有四套中西電影上映，結果都算有少少爆冷，一套幾百萬製作嘅三級片《低俗喜劇》，居然打贏過千萬製作，仲有影帝梁朝偉同影后周迅助陣嘅《聽風者》（圖）。唔計之前有成80幾萬優先場嘅收入，《低》片開畫都有成110萬，反而《聽》片得23萬。可能香港人真係餓咗好耐純港產片，所以《低》片雖然係三級片都有咁好成績。