「刀片跑手」比利托利斯，喺上個禮拜五幫南非，喺男子4x400米接力決賽拎到第8之後（圖），已經完成晒自己今屆奧運嘅所有項目。不過咁唔代表佢有得唞，因為比利托利斯將要繼續代表南非，出席月底就會展開嘅殘奧；到時佢會分別喺100米、200米同400米呢3個項目，爭取衞冕，喺度衷心希望比利托利斯，可以順利達成目標，繼續喺倫敦展現奧運精神。