最近奧運德國體操選手MarcelNguyen和PhilippBoy贏盡萬千少女心，每當出場即群起大呼好靚仔，搞到不少男人妒忌又羨慕。查實他們吸引人之處除身形健碩外，最重要是面上零瑕疵、零油光，非常企理！《拳王》黃浩然亦然，由型男到型爸，越戰越勇。浩然話：「男人唔需要姿整，但一定要企理。」男人收到未？
記者：陳子穎
攝影：蔡家輝
化妝及髮型：[email protected]
拒做油脂男 偏好多功能
儘管男士美容越來越普遍，但身邊仍有不少人覺得男人護膚實在太姿整！「查實男人護膚，就等同你洗頭冲凉，都係將身體的污穢清除。我本身屬油性皮膚，喺廠拍劇成日被強燈照射，皮膚好快出油，惟有Keep住印碎粉，但個妝越厚，泛油的情況越嚴重。所以我一定要揀一些質地清爽，減少油脂分泌的護膚品。」訪問時，浩然雖然口口聲聲話自己好懶，唔算勤力護膚，但懶還懶，每天他都會完成基本的護膚程序：潔膚、爽膚和潤膚，這已經比很多男人優勝得多。
無可否認，男士的護膚程序偏向簡單，浩然亦然，都偏愛多功能護膚品。近期他的至愛是Kiehl's的男士二合一潔面泡沫，潔面同時可作為剃鬚泡沫。「以前我鍾意用剃刀刮鬚，但試過好多剃鬚膏都搞到皮膚敏感，後來轉用電鬚刨，始終覺得無刀刮咁乾淨，而且又好怕拮親仔仔。呢支潔面泡於剃鬚的時候亦可同時用於潔面的效果，好方便！」
護唇為錫錫
講完護膚，輪到講家庭。自從仔仔Kayden出世後，因為日常工作太忙碌，故特別珍惜和兒子相處的時光。每晚回家，他都會把小Kayden擁入懷中親吻一番。隨即他從口袋拿出一支潤唇膏，告訴我保持雙唇滋潤，親吻兒子也特別落力。我笑他，那麼拍親吻戲時，又會否更投入？「當然啦！柔軟啲投入啲，說不定可以一Take過拍完早收工！」
浩然護膚三部曲
隨身孖寶
夏日必備
後記
拍攝後黃浩然卸好妝準備回家，還不忘拿出EyeRoll對鏡碌一碌，他一臉Chok樣對我說：「其實男人護膚絕不是想像般複雜，只要每天早晚花多五分鐘，你都可以Keep住年輕，同『麻甩』劃清界線。」然後一個轉身瀟灑的離開。噢！我暈了！
a.Kiehl's（23192018）
九龍塘又一城UG-36號舖
b.I.T（29722572）
銅鑼灣希慎道1號