無綫近日爆發竊錄疑雲，小生花旦獲悉後人人自危，有人表示會注意言行，女藝人則擔心更衣被偷拍。
陳敏之：我都擔心㗎，最怕喺更衣室有呢啲偷拍器，女仔梗係擔心走光，以後我會更加小心。陳煒：我呢個層次應唔會係偷拍對象，我言行一向小心，相信係個別惡作劇。徐淑敏：如果喺會議室大家都係講公事，有錄影都唔奇。陳豪：我唔支持偷錄呢樣嘢，公司講明係機密唔應外洩，咁已違規，此風不可長。馬德鐘：好怕㗎，家科技太發達令人防不勝防，一個眼鏡都可以偷錄。郭晉安：似偷拍多啲，但只要唔係影服裝間或洗手間都唔驚。