馮仁昭四圍超:區文詩見家長趕住嫁 - 馮仁昭

馮仁昭四圍超:區文詩見家長趕住嫁 - 馮仁昭

薛家燕前晚同區文詩等喺銅鑼灣參與「環星娛樂10周年」晚宴,30歲嘅區文詩話就嚟約滿環星,諗住約滿後結婚,公司都話會幫佢大搞個婚禮,佢話:「我同男友拍咗年幾拖,班姊妹話兩年就好結,今年10月會飛去美國見佢家長。」家燕姐就話冇打算拍劇,嚟緊會喺香港、廣州、新加坡等地搞HoneyBees少女組,主要係8至12歲小朋友,最重要讀書成績好。講到阿女石佑珊同王梓軒傳緋聞,家燕姐話唔知有冇拍拖。