法國女籃周二71:68擊敗捷克入4強，場波極為激烈，法國最後一節狂轟30分，先可以3分險勝。完場嗰時出現咗好sweet嘅一刻，話說入咗9分嘅法國中鋒耶古寶（SabelleYacoubou、右圖左），完場攰到要隊友扶住，突然之間望上觀眾席，呆一呆之後就爆喊。咩事？原來係佢個型佬男友（左圖左），當眾拎出求婚紙牌，場面溫馨動人。結果點？耶古寶喊住畀咗一個ok手勢，搞掂！