「唔係畀咗錢就算，咁樣好侮辱！」51歲的阿蘇認為向扎鐵工發放50元高溫津貼不切實際，只是「頭痛醫頭」，津貼最後能否落入工人手中仍是未知數。他表示建造業最大問題是經常欠薪，並建議政府應解決深層次問題，「糧期成日唔準，搞到工人要打官司追數，政府應立例改善呢啲問題好過啦」。
做地盤釘板已25年的阿蘇坦言，入行全因高人工，「當年啱啱結婚，想搵多啲錢，就跟阿爸入行」。日薪最高達千五元，平日也有千二至千三元，但卻長期處於高溫兼危險環境工作，令阿蘇又愛又恨。記者早前到阿蘇工作的屯門天橋地盤，量度到近46℃高溫，地上鐵板猶如煎pan。
唞一唞遭揶揄「蛇王」
「以前邊有咁熱㗎，而家吸啖氣都滾㗎，如果濕度高、多煙霞，好易中暑！」阿蘇表示，近年經常有工友在工作期間中暑，情況比以往越嚟越嚴重。雖然地盤有提供水和吹風機降溫，但工人感到不適，「停一停、唞一唞」，亦會遭人揶揄「蛇王」偷懶，最後只有「頂硬上」。
《蘋果》記者