《台北松江路》啱啱過咗去嘅星期二，係阮經天女友許瑋甯28歲生日，正服兵役嘅小天，就專登請假同女友去台北松江路嘅錢櫃唱K慶祝，玩到凌晨1點鐘。之後小天戴住粗框眼鏡，一走出嚟就去後巷攞車，女友就跟喺後面。
小天應該發現有記者，一開車就極速駛走，唔使12分鐘就返到民生路屋企，不過部車停咗喺唔停得車嘅地方，就唔係好啱當兵講紀律嘅身份嘞。撰文：李森
