楊洛婷噚日喺銅鑼灣為一間百貨擔任開幕司儀，原來佢媽咪（右）最近喺加拿大返香港，噚日仲特登捧個女場，楊洛婷仲透露夜晚男友Tim會一齊食飯，問到媽咪有冇催婚？楊洛婷似乎未有嫁意，只係話：「媽咪淨係問我幾時有孫畀佢抱，好似飛咗結婚呢部份，其實一諗結婚就諗到好多嘢搞，我想去美國迪士尼結婚，又或者沙灘搞婚禮。」