最近小朋友身上的裝束，最Hit當然是「國民小先鋒」頸上領巾；但估唔到要苦腦嘅，並唔係小學生家長，反而係剛為人父母者！講緊呢期Ｂ界大熱，將口水肩變身成「三角領巾」，就算大姐姐戴上，一樣潮得起；想買純紅色版，對不起，完全欠奉！
記者：陳家蕊
攝影：陳盛臣、楊錦文
模特兒：Clarisse、Jasmine@UniqueModel、Lukas
場地提供：原木生活（36210609）
圍三角巾 半玩Fashion
領巾！在不同的地方，原來有大不同的象徵意義，領巾在日本是女子遮容貌之用，而在英國就是用作童軍的領飾；今天大家最常見到領巾的地方，是在空中服務員的頸上！雖然喺Ｂ仔頸上，最常看到的應該是口水肩，不過據網上日韓童裝商店QTeeShop表示，最近新返的「三角巾形」口水肩，大受Ｂ爸、Ｂ媽歡迎，仲經常出現斷貨情況！
本地嬰兒用品名牌mides，亦看準這日韓寶寶熱，推出大塊的領巾口水肩，更有防水雙層設計，大部份面層以舒適的棉質製造，而夾層則是無毒又環保的T.P.U.防水布料，阻止水迹滲入底層；至於口水肩的接續位，更採用了高標準的美國Velcro特軟平滑魔術勾貼，沒有了平常魔術貼粗糙感覺，進一步呵護ＢＢ幼嫩的頸部皮膚。追訪買家媽媽們，為何熱捧領巾口水肩，個個答案都是寶寶圍上後，感覺好看到極了！的確，仔仔囡囡圍上後感覺個個有如西部牛仔，老土口水肩感覺不再。
最易清理 兜兜口水肩
網上常見「新牌仔」媽媽，經常擔心小寶寶流口水是身體健康有問題；其實新生兒是不會口水長流的！因為他們的唾液腺並不發達，分泌的口水亦較少；如果要說小寶寶的「流口水期」，應該要到長牙階段才正式開始，在這段期間，大腦會發出訊號刺激牙齦上的神經，而唾液腺亦因此反射性地增加口水分泌！家庭醫生關嘉美：「寶寶因為口部與喉嚨肌肉未發展成熟，不懂吞口水、就變成流口水；可是在孩子約歲半、開始說話時，就應該停止流口水。」
小寶寶另一最常見「不成熟」問題，應該係「心智」！食住玩、天一半地一半，每次飯後抹身、洗衫、打掃、執碗做餐死！日本的嬰兒用品公司chuchubaby就非常細心，推出了方便之極的幼童飲食圍裙，除了玩65cm特長、擺到上枱之餘，尾部更附設有吸盤，可令圍裙吸附在餐桌上、形成兜狀，可將所有掉落的食物收集起來，避免弄髒衣物及地下，非常易於清理！
長袖款 食飯工衣兩用
據網上的嬰兒用品店所講，另一受媽媽們歡迎的口水肩款式是長袖款式，皆因寶寶們除了流口水，手仔又鍾意玩口水，同樣在吃飯時，更會拎起食物四圍摸，為求方便，很多媽媽就買了長袖的口水肩，以求令寶寶弄污身上的地方，減至最少！而且長袖款式仲有保暖作用，隨時當外套着亦得！據知有啲寶寶在入讀幼稚園後，還會將佢作「美勞課」的工衣穿，所以十分抵着。
網上淘淘寶
知道好多慳家的爸媽，除了喜歡買本地貨，亦很愛在網上淘一番！今次特別在淘寶網搜出特別平兼型的款式，讓大家作入貨參考！
a.mides（28901982）
b.QTeeShop（ http://www.qteeshop.com）
c.小綿羊生活百貨（22070148）
d.BabyOutlet（ http://www.mamabebe.com.hk/）