《特稿》
本港上市新股的質素每下愈況，盈利預測越來越少，盈利警告卻越來越多，令投資者意興闌珊之餘，繼而打擊港交所（388）的生意。截至上月底止，港交所新股（IPO）集資額排名已跌至全球第四，上市公司質素下降，早令投資者減少落注以示不滿。
集資額衰過馬來西亞
根據Dealogic的數據，本港年初以來共有45隻新股上市，但集資額僅446億港元，按年大降逾七成。以集資額計，排名低於美國、內地及馬來西亞，僅佔第四。
此外，本報統計了2010年至今的新股盈利預測資料，發現年初至今7個月，45隻新股當中，只有11家公司披露盈利預測，佔比僅24%，即有約四分之三新股拒作盈利預測，另已有6家公司先後發過盈警，佔比13%，最經典莫過於克莉絲汀（1210），去年純利增長8%成功達標，今年上半年隨即發盈警，至於女股神劉央掃入的東吳水泥（695），甫上市49日即報警可能見紅。
今年新股 13%發盈警
相比兩年前的2010年，全年102隻新股當中，有71家發出盈利預測，比例達到70%，實際業績亦悉數符合預測。至於上市一年內發出盈警的股份，則有10隻，佔比約10%，仍比今年為低。
要注意的是，2012年的新股還未上市足夠一年，因此盈警或陸續有來，預期最終數字會超過2010年的10家。
事實上，2010年上市的新股，於今年相繼爆煲為數不少，包括博士蛙（1698）、大慶乳業（1007）等等。單看2010年及2012年的新股數據，有可能反映今年新股質素，跟兩年前再差一截。2010年的新股還會為業績扮靚上市，至於部份今年上市的新股，第一份業績已走樣，連省靚招牌也覺得沒有必要。
新股嚇怕投資者，獨立股評人孫柏文亦唔敢玩：「對新股已冇晒信心，家抽新股唯一理由，就係同經紀打好關係，市淡都有幫襯，等市旺時就有着數，抽新股時會分多啲。好似落Club咁，人哋見你星期二、三有幫襯，星期六、日就唔使你排隊，甚至免收charge㖭！」另一股評人火燎森形容：「近幾年上市嘅公司都冇人識，間間都好似趕喺世界末日之前抽最後一輪水，然後離開地球咁。」