每逢周末沙灘都逼爆人，想人少少兼玩親子水上活動？倒不如參與本周六於大埔舉行的「西沙水世界之FunFun@泳池」，場內除提供安全的水上設施外，最重要是只限報名人士，不用同人逼！
記者︰蘇麗珊
攝影︰陳盛臣
模特兒︰Rika、Ruby@GME、Jasmine
水上滾輪 扮倉鼠
好玩度︰★★★★★
一向專營戶外用品及舉辦水上活動的「西沙水上活動中心（簡稱西沙）」，每年夏天也四出與不同屋苑會所合作，舉行各式各樣的水上活動，但報名人士只限屋苑住客，其他人想玩都得個「恨」字。好彩！自去年開始，由於發現同類水上活動反應相當踴躍，有見及此，今年中心再接再厲，於本周六在大埔舉行「西沙水世界之FunFun@泳池」。
不少泳池也禁止泳客攜帶大型水上玩具內進，但今次活動就破例將大型的水上滑梯、水上彈床、水上滾輪、水上搖搖板放進池中，供大、小朋友玩樂。先說大人玩意，最過癮一定係極考究平衡力的水上滾輪。玩法如倉鼠的滾輪玩具一樣，只要一隻腳踏前，一隻腳踏後，逐步踏向前，便可將滾輪向前駛；相反，逐步踏後，即向後駛。如平衡力不夠的話，很易墮進水中！
水上滑梯 兩米衝落水
好玩度︰★★★★☆
如果不夠平衡力的話，就可以嘗試玩大人、小朋友都適合的大型水上滑梯。
滑梯使用充氣設計，一邊是腳踏位置，一步一步攀爬上去；當上到頂點時，就可以從約兩米高的高處滑下來。化了妝的女生們玩這玩意前請注意！記得收起你的假眼睫毛，事關一衝落水，Model連假睫毛都冲走了。
碰碰船 親子大比拼
好玩度︰★★★★★
一般的水上活動都是大人玩晒，小朋友只能眼看手勿動，而西沙就看準時機推出親子水上康樂設施，如可承受220磅的親子碰碰船，家長可與小朋友前後座、一齊玩；三歲以上的小朋友亦可自行玩承受100磅的兒童碰碰船。
玩法也相當簡單，如要向左駛，則將右手柄向前攪；向右駛的話，則將左手柄向前攪。
當學曉怎樣控制碰碰船後，小朋友可先嘗試在池中慢慢駕駛，享受駕船的快樂。如略嫌不夠刺激，小朋友便可聯同家長作對戰賽，一人一架船，互相在池中碰撞，玩法就如遊樂場的碰碰車一樣。
水上電單車 簡易流暢
好玩度︰★★★☆☆
講到水上活動，小朋友一定比大人興奮十萬倍，所以中心於是次活動中，推出多款兒童水上玩具。今次重點推介的，正是設有摩打的充氣水上電單車，單車以電動操作，摩打馬力達3-4km/hr，雖然無傳統水上電單車那樣大馬力，但勝在安全至上，小朋友最啱玩。
水上電單車能負重100磅，輕盈女生都可以坐上去，而且控制簡單易明，向左則將軚盤扭向左，向右則相反。小朋友Model玩後說︰「好好玩，因為在水上面行得好流暢。」
青蛙獨木舟 槳上舞
好玩度︰★★★☆☆
大一點的小朋友可嘗試玩青蛙獨木舟，玩法如兒童獨木舟一樣，只是外形變成可愛青蛙。小朋友利用船槳兩邊划就可以前進，而前進的快慢，就視乎小朋友坐在獨木舟上的平衡力及划槳速度。看到這裏，家長或許也擔心安全問題，活動期間會有兩位救生員駐場，所以家長們也不用擔心，讓一家人好好享受餘下的暑假吧！
西沙知多啲！
西沙水上活動中心於2006年開辦，位處南丫島模達灣7號。開始時只於模達灣提供水上活動，後來發展至為不同泳池舉辦水上遊戲活動。近年更開設水上活動用品店舖，可見水上活動有幾受歡迎！
首個水上公園喺邊?
黃泥涌水塘公園係香港首個水上公園！公園位處陽明山莊附近的黃泥涌峽，公園前身是1899年建成的黃泥涌水塘，而公園則正式於1986年落成。園內提供遊人水上單車的租用服務，現時租用水上單車的費用為每小時$80-$120。（查詢︰28121252）
西沙水世界之FunFun@泳池
日期︰8月11日
時間︰1:15-2:45pm或3-4:30pm
地點︰大埔汀角路洞梓童軍中心游泳池
收費︰$138（非會員）、$118（會員）
查詢︰27928307
上網買碰碰船
玩得興起，想將碰碰船拎番屋企玩都無問題，因為西沙設有網店，出售部份水上玩具。例如兒童碰碰船，$2,500就有交易。
網址︰ http://www.saishashop.com/shop/index.php
更正：昨日本版《酷潛珊瑚礁》一文，「香港潛水訓練學院」應為「東心淇水上活動中心」/潛水教練「郭留香」應為「郭留秀」。