喺橫店拍緊劇嘅馬浚偉，一向鍾意打羽毛球，最近佢仲要抽時間睇奧運羽毛球賽，早排馬浚偉等開工時，就鬼咁手痕，好想打波，於是佢就物盡其用，將塊電蚊拍當成羽毛球拍用，仲喺個片場度扮晒打羽毛球，啲姿勢都幾過癮，成班工作人員就當佢儍仔咁笑。不過，馬浚偉一於好少理，仲話：「拍戲天氣熱又多蚊，等埋位嗰時，咪練習吓啲姿勢。」