華仔重拾青春

啱啱做老竇嘅劉德華日前暫時放低囡囡向蕙，返咗母校可立中學同師生敍舊，下個月就51歲嘅華仔，企埋一班中年發福嘅舊同學裏面，睇落係最後生，果然得天獨厚。離開學校成30幾年嘅華仔，今次因移民咗美國嘅師兄返嚟度假，先約埋聚會，影大合照時華仔興奮到舉晒V字話：「想一睹我的青春本色嗎？你看後排右一那活脫脫就是中五C班的搗蛋劉德華同學！」華仔仲同一位舊同學嘅囡囡影相，猛讚佢標緻㖭。