曾演過李安執導嘅《色，戒》、早排又憑《翻滾吧！阿信》喺台北電影節，攞咗個最佳男配角獎嘅台灣男星柯宇綸，佢老竇就係台灣名導柯一正。之前柯宇綸涉嫌用打火機燒斷人哋部電單車嘅安全帽束帶，偷走頂安全帽，仲搞到大火波及七架電單車。檢方前日正式起訴柯宇綸，不過柯宇綸就話冇做過咁嘅事，仲話：「名譽是我的生命，絕不認罪。」