德國費克3米板食蛋

喺奧運跳水項目，由於參加選手嘅水平都好高，好少會見到有0分出現，不過好少唔代表冇。好似禮拜一舉行嘅男子3米板初賽，德國嘅費克（StephanFeck、圖）就食咗無情嘅零雞蛋。22歲嘅費克喺第2跳嘅向前翻騰3周半屈體嗰時，嚴重失手，喺翻騰嘅過程攬唔實隻左腳，結果背脊先入水，啲水花彈到幾米咁高。最後費克跳咗3跳都無繼續落去，希望佢盡快收拾心情啦。