中國羽毛球隊橫掃今屆倫奧5面金牌，本來係絕對值得高興嘅喜事，可惜嘅係喺較早前女雙嘅「消極事件」被取消資格，搞到有啲美中不足。不過中國隊總教練李永波嘅心情，睇嚟就一啲都冇受到影響，事後仲掛晒5面金上身威一威，若無其事咁擺出一副沾沾自喜嘅笑容，自得其樂。但係公道自在人心，呢張相亦辣㷫唔少網民，有啲更指李永波都算厚顏無恥㖭！
