奧運嘅帆船項目，大家可能比較少留意，其實東道主英國就有位猛人叫安斯利（BenAinslie、圖）。35歲嘅佢就厲害囉，喺芬蘭型帆船項目贏埋金牌之後，已經連續4屆奪金，做咗「帆船之王」，成為奧運歷史上最成功嘅帆船運動員。而今屆呢面金牌仲贏得相當驚險，喺11場嘅比賽中，頭6場都輸畀勁敵丹麥嘅基斯甸遜，不過最終都係安斯利反壓對手，問你服未！