呢邊廂《FF》大搞25周年慶典，嗰邊廂原來又係《MetalGear》嘅25周年大日子。除咗8月30日喺東京中城搞大型紀念活動，今日更會釋出機迷等足四年嘅《MGS4》獎盃更新檔，PS3Best平價版亦再次上市，讓機迷再次重溫蛇叔最終章嘅悲劇故事。最正係加設「一次性硬碟安裝」，毋須像以前每關Load十分鐘，Fans可以一口氣爽快爆機。雖然暫時只釋出日版更新，美、亞版則要等等，但諗起零殺人、零警報、BigBoss稱號呢啲近乎不可能嘅任務，我又再次熱血沸騰喇！
網址：http://www.konami.jp/mgs4/jp/