阿媽同女朋友邊個緊要啲？呢嗰問題對所有男人嚟講都係難題，不過啱啱幫英國贏咗面網球男單金牌嘅梅禮，似乎就有咗答案喇。佢喺決賽擊敗瑞士嘅費達拿之後，就衝咗上觀眾席同女友、教練、阿媽等擁抱慶祝，咁揀邊個先呢？結果佢第一個攬嘅就係女友施雅絲（圖），仲嚟個情深一吻㖭；相反，阿媽茱迪由於坐得太邊，等到最後先至有得同囝囝攬一攬!