【本報訊】為了生活，30歲的阿雪任職酒吧拳手時捱夜飲酒，患上腎衰竭，丈夫竟嫌棄她有病，把她趕出家門。阿雪帶着年幼女兒，日復日、年復年地等待腎臟移植。去年全港不足70宗腎臟捐贈，現時排隊換腎人數卻有1,800多人。活在無奈中的阿雪說：「希望多啲人死後捐贈器官，我想睇到阿女讀大學！」
記者：梁御和
兩年前一個晚上，阿雪突然透不到氣，不斷標冷汗，腳腫得穿不上鞋，醫生檢查發現其兩邊腎嚴重衰竭，失去功能，須立即洗血，「洗血支針成30厘米長，一路插我就一路喊，痛過生仔」。
肉體的痛苦，遠遠比不上心靈的傷害。阿雪的丈夫卻沒有送上關懷，反而對她患病後的憔悴面容，以及為洗肚而開了洞的肚皮，冷嘲熱諷，更將兩母女趕出家門，臨走前狠狠擲下一句：「你個傷口好核突呀，唔好再俾我見到！」
每天洗肚三次
阿雪帶着當時六歲的女兒，投靠娘家。「阿爸阿媽生活都麻麻，哥哥同阿妹收入唔多，連埋我哋母女，成七個人逼喺間公屋，每個月成千蚊洗肚既醫療開支，都係屋企人幫手，仲問人借咗幾萬蚊」。生活窘困，女兒是阿雪生存的動力，「家每日早、午、晚洗三次肚（腹膜透析治療），每次45分鐘，插條喉落肚，好痛好辛苦」。阿雪邊說邊將洗腎藥水袋，駁到已植入體內的導管，微黃色的溶液，緩緩從體內流出，裝滿一袋。
一日未換腎，阿雪一日仍要面對機械化兼熬人的洗肚。阿雪的八歲女兒Michelle，在旁邊做暑期作業，不時「整古作怪」逗媽媽開心，她才稍稍放開繃緊的面容，「個女幾個月大氣管有事，要瞓氧氣箱，藥費都係問親戚借，佢阿爸冇理過我哋」。
無家用要搵錢
阿雪表示，四年前到酒吧當拳手，只因丈夫沒有給家用，「開始時每飲一啖酒就嘔，諗起個女喺屋企等我，就惟有咬住牙關撐落去。」大量喝酒兼忍尿，加上捱夜，最終令健康崩潰，當發現患病的一刻，兩邊腎已無法挽回。
這兩年來，阿雪無時無刻不想着換腎，但看到捐腎人數和等候移植名單，心頭不知發寒了多少遍。「有個病友同我一樣B+血型，等咗十幾年先換到腎。其實人總有一死，但每一個器官，對在生者嚟講，就等於一份希望。與其由得佢化灰，點解唔可以捐畀有需要嘅人？」面對無期的等待，阿雪只能夠抱緊女兒，盡力給她多點母愛。