唔覺唔覺，截至上周六，哈薩克今屆都攞咗5面獎牌，而且面面都係金色，保持百分百嘅奪金率，勁！最新一面金牌嚟自男子94公斤級舉重，24歲嘅大力士伊利恩（圖）成功衞冕之餘，佢嘅418公斤總成績同233公斤嘅挺舉重量，仲破埋世界紀錄，唔到你唔服。而呢面亦係佢哋喺舉重嘅第4金，今晚嘅男子105公斤級又有佢哋嘅選手，要留意喇！