倫敦奧運過咗一半，即使中國隊攞幾多金牌，一堆體育用品股都係炒唔起，安踏（2020）雖然話首次贊助中國奧運代表團，但佢個品牌logo同李寧（2331）實在太似，好難分得清，股價炒唔起之餘，廣告收效又成疑，安踏今次會唔會蝕咗呢?
李寧有主席兼「體操王子」李寧把關，成功贊助5隊中國金牌隊（乒乓、射擊、跳水、體操、羽毛球），呢幾個項目順理成章最多中國人睇，李寧咁就輕易賣晒廣告。
品牌logo超似
反觀安踏雖然贊助成個中國奧運隊，所有中國運動員上頒獎台、做訪問都要着住安踏嘅風褸，但李寧同安踏嘅logo超似，兩個都係用兩撇，只係一個打橫，一個向下，喺電視睇真係唔察覺有分別。兩間公司仲有一樣嘢似，就係股價走勢（齊向下）!